Home » მთავარი » დავით უთმელიძე ასაკოვან ამომრჩევლებს სახლში ეწვია

დავით უთმელიძე ასაკოვან ამომრჩევლებს სახლში ეწვია

„ქართული ოცნება – დემოკრატიული საქართველოს“ საბურთალოს მაჟორიტარობის კანდიდატი დავით უთმელიძე ვეძისის მოსახლეობას შეხვდა.

მაჟორიტარობის კანდიდატმა ადგილობრივებს სამომავლო გეგმები გააცნო და იმ კონკრეტულ პროექტებზე ესაუბრა, რომელზე მუშაობასაც „ქართული ოცნების“ გუნდთან ერთად აპირებს.

შეხვედრის დასრულების შემდეგ მაჟორიტარობის კანდიდატმა რამდენიმე ასაკოვანი ადამიანის თხოვნა გაითვალისწინა და ვინაიდან მათ შეხვედრაზე მისვლა ვერ შეძლეს, საარჩევნო პროგრამის პრიორიტეტები სახლში გააცნო.

„ძალიან დიდი მადლობა ასეთი მაღალი ინტერესის გამოჩენისთვის. მიხარია, რომ ქვეყანაში მიმდინარე მოვლენებში აქტიურადაა ჩართული ყველა თაობა, განსაკუთრებით კი ახალგაზრდები. ჩვენ ერთიანი ძალებით უნდა ავაშენოთ ახალი საქართველო, დაუღალავად უნდა ვიშრომოთ იმისთვის, რომ ჩვენი ქალაქი ვაქციოთ სიცოცხლით და სიკეთით სავსე ქალაქად“ – განაცხადა შეხვედრის დასრულების შემდეგ მაჟორიტარობის კანდიდატმა.

Facebook Comments
x

Check Also

თბილისის ინფექციურ საავადმყოფოში 12 ახალი პაციენტია შესული

თბილისის ინფექციურ საავადმყოფოში 12 ახალი პაციენტია შესული. ამ დროისათვის ბოქსირებულ განყოფილებაში მხოლოდ 13 პაციენტი იმყოფება. ...