Home » მთავარი » კობახიძე მეან-გინეკოლოგთა მსოფლიო ფედერაციის პრეზიდენტს შეხვდა

კობახიძე მეან-გინეკოლოგთა მსოფლიო ფედერაციის პრეზიდენტს შეხვდა

საქართველოს პარლამენტის თავმჯდომარე ირაკლი კობახიძე მეან გინეკოლოგთა მსოფლიო ფედერაციის (FIGO) პრეზიდენტ ჩიტარანჯან ნარახანი პურანდარეს და სამხრეთ კავკასიის მეან-გინეკოლოგთა მეორე საერთაშორისო კონგრესის მონაწილეებს შეხვდა.

შეხვედრაზე სამედიცინო მომსახურების ხარისხის ამაღლების, ასევე, საქართველოს მეან-გინეკოლოგთა და პერინატოლოგთა ასოციაციასა და მეან-გინეკოლოგთა მსოფლიო ფედერაციას შორის მჭიდრო ურთიერთობის მნიშვნელობაზე ისაუბრეს.

მხარეები თანამშრომლობის გაღრმავების შესახებ შეთანხმდნენ.

„საქართველოს პარლამენტის თავმჯდომარესთან შეხვედრა ნიშნავს, თუ რამდენად მნიშვნელოვანია ის დახმარება, ის ტექნიკური შესაძლებლობები, რომლებსაც ჩვენ მეან-გინეკოლოგთა მსოფლიო ფედერაციასთან თანამშრომლობა მოგვცემს. ეს ხაზგასმით აღინიშნა ჩვენი მხრიდან. სტუმრებმა დააფიქსირეს  მზადყოფნა, რომ  აუცილებლად მოახდენენ ინვესტირებას საქართველოში“,- განაცხადა შეხვედრის დასრულების შემდეგ ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ.

შეხვედრას ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე და კომიტეტის წევრი, ელგუჯა გოცირიძე ესწრებოდნენ.

Facebook Comments
x

Check Also

ვისაც წინა ხელისუფლების ძალადობრივი რეჟიმი და ის სისასტიკე ენატრება ვერასოდეს ვერ შევთანხმდებით

საქართველოს პარლამენტის დამოუკიდებელი დეპუტატი ეკა ბესელია საკუთარ  ფეისბუქ გვერდზე მიმართვას ავრცელებს , ტექტს უცვლელად გთავაზობთ: ...