Home » მთავარი » მშობელი რუსთავის ერთ-ერთი სკოლის მასწავლებელს მოსწავლის მიმართ ბულინგში ადანაშაულებს

მშობელი რუსთავის ერთ-ერთი სკოლის მასწავლებელს მოსწავლის მიმართ ბულინგში ადანაშაულებს

რუსთავის #5 საჯარო სკოლის მოსწავლეთა მშობლების ნაწილი, შვილების სკოლაში გაშვებაზე ისევ კატეგორიულ უარს აცხადებს.

მათი განცხადებით, ბავშვებს სკოლაში მანამდე არ გაუშვებენ, სანამ მე-6 კლასელ გოგონას, რომელსაც მოსწავლეების, ასევე მუსიკის მასწავლებლის ფიზიკურ შეურაცყოფასა და ბულინგში სდებენ ბრალს, დირექცია სკოლიდან არ გარიცხავს.

მშობლების თქმით, გოგონა სისტემატურად აყენებდა შეურაცხყოფას თანაკლასელებს და თანასკოლელებს, რამდენიმე დღის წინ კი კიბეზე მიმავალ მუსიკის მასწავლებელს ხელი ჰკრა და დააგორა. მშობლების ნაწილი დილით, სკოლასთან შეიკრიბა და მე-6 კლასელი გოგონას გარიცხვას ითხოვდა. ისინი, გოგონას დედას, რომელიც შვილის მხრიდან მასწავლებლის ან მოსწავლეების ფიზიკურ შეურაცხყოფას კატეგორიულად უარყოფს, სიტყვიერად დაუპირისპირდნენ.

მე-6 კლასელის დედა ირწმუნება, რომ პირიქით, მაისში მის შვილს მიაყენა პედაგოგმა ფიზიკური შეურაცხყოფა და წიგნი ჩაარტყა თავში.

ბავშვის მიმართ რაიმე შეურაცხყოფას კატეგორიულად უარყოფს მუსიკის მასწავლებელი ნანა წიქარიშვილი, რომელიც კლინიკა “რუსთავშია” მოთავსებული.

ექიმების განცხადებით, მას ტვინის შერყევა აქვს და წელის არეში დაჟეჟილობა აღენიშნება.

 

Facebook Comments
x

Check Also

თავდაცვის მინისტრმა დამოუკიდებლობის დღე ქართველ მშვიდობისმყოფელებს მართვის ცენტრიდან მიულოცა

26 მაისი საქართველოს დამოუკიდებლობის დღეა. ავღანეთის ისლამურ რესპუბლიკასა და ცენტრალური აფრიკის რესპუბლიკაში სამშვიდობო მისიებში მყოფ ...