You are here
პანკისში პირველი საშაურმე გაიხსნა მთავარი ყველა სიახლე 

პანკისში პირველი საშაურმე გაიხსნა

31 წლის დათო გუმაშვილმა საკუთარი ბიზნესისთვის მოპოვებული 2700-ლარიანი გრანტით, პანკისის ხეობის სოფელ დუისში საშაურმე გახსნა. ინფორმაციას პანკისის სათემო რადიო  radioway  ავრცელებს.

მომხმარებელთა სიმრავლის გამო, გუმაშვილი ამბობს, რომ ბიზნესის გაფართოებას აპირებს. ობიექტზე მხოლოდ შაურმის შეძენაა შესაძლებელი. მეპატრონე გეგმავს, მათ კომფორტი შეუქმნას და კვების ობიექტში მაგიდები და სკამებიც განათავსოს.

საშაურმემ სახელი მოკლედ დროში გაითქვა და დათო ყოველდღიურად 20-25, ზოგჯერ 40-მდე ქათმის ხორცით დამზადებულ შაურმას ყიდის. საშაურმე დათოს ყოველდღიურად 120-150 ლარიან შემოსავალს აძლევს, საიდანაც 30 ლარი მოგებაა.

საწარმო სურსათის ეროვნულ სააგენტოს შემოწმებული აქვს და სტანდარტებს აკმაყოფილებს.

მცირე ბიზნესის დაწყებაში სამი შვილის მამას USAID-ის Zrda პროექტი დაეხმარა.

 

Comments

comments

Related posts