Home » მთავარი » საბავშვო ბაგა-ბაღების მართვის სააგენტომ კონკურსი ჩაატარა

საბავშვო ბაგა-ბაღების მართვის სააგენტომ კონკურსი ჩაატარა

თბილისის საჯარო საბავშვო ბაგა-ბაღებში დასაქმებული თანამშრომლების თანამდებობრივი დაწინაურების მიზნით, თბილისის საბავშვო ბაგა-ბაღების მართვის სააგენტომ კონკურსი ჩაატარა.

თბილისის მერიის ინფორმაციით, კონკურსი 24-25 დეკემბერს გაიმართა და მასში მონაწილეობა შეეძლო ნებისმიერ პოზიციაზე დასაქმებულ  თანამშრომელს, რომელსაც სურდა დაწინაურება აღმზრდელის, აღმზრდელის თანაშემწისა და საგანმანათლებლო პროგრამების კოორდინატორის (მეთოდისტის) პოზიციაზე. ამასთან, ტესტირება სავალდებულო იყო ზემოთაღნიშნულ სამ პოზიციაზე დროებითი მოვალეობის შემსრულებელი პირებისთვის (ასეთის არსებობის შემთხვევაში).

კონკურსში მონაწილეობის სურვილი 800-ზე მეტმა აპლიკანტმა გამოთქვა, თუმცა ტესტირებაზე მხოლოდ 650 მათგანი გამოცხადდა.

ტესტირების შედეგების ნახვა კონკურსანტებს შეეძლებათ 10 სამუშაო დღის შემდეგ, სააგენტოს ვებგვერდზე www.kids.org.ge, თითოეული მათგანისთვის მინიჭებული უნიკალური შტრიხკოდის საშუალებით. შტრიხკოდები თან ახლავს ტესტის ბოლო ფურცელს, რომლის ასლიც კონკურსის ყველა მონაწილეს გადაეცა. ამასთან, 10 სამუშაო დღის შემდეგ, კონკურსანტებს, შეხსენების მიზნით, საკუთარი კოდი დაეგზავნებათ სმს-შეტყობინების სახით.

ტესტის წარმატებით ჩაბარებისთვის აუცილებელი მინიმალური კომპეტენციის ზღვარი შემდეგია:

30 ქულა – აღმზრდელის თანაშემწის პოზიციის დასაკავებლად;

40 ქულა – აღმზრდელის პოზიციის დასაკავებლად;

50 ქულა – საგანმანათლებლო პროგრამების კოორდინატორის პოზიციის დასაკავებლად.

 

Facebook Comments

Leave a Reply

x

Check Also

“მოგესალმებით აბრეშუმის გზის ფორუმზე…” (პირდაპირი)

გიორგი გახარიამ ფორუმი მისასალმებელი სიტყვით გახსნა: #BMG #LIVE #საქმიანიდილა Gepostet von BMG am Montag, 21. ...