Home » F-vews » ცოტნე გამსახურდია: საოცარი ამბავი მოხდა, გინდ დაიჯერეთ, გინდა არა…

ცოტნე გამსახურდია: საოცარი ამბავი მოხდა, გინდ დაიჯერეთ, გინდა არა…

F-news

ცოტნე გამსახურდია

-საოცარი ამბავი მოხდა ახლა. ვფიქრობ, დავწერო თუ არა… არც ის მინდა, ცრურწმენებისა და სიბნელის გამრავლებას შევუწყო უნებურად ხელი, და არც მე ვარ მოარული რელიგიური წარმოდგენების მრწმენი და გამზიარებელი, როგორც იცით. უფრო სწორედ, არ ვარ რელიგიური ამ სიტყვის გავრცელებული, კონვენციური გაგებით…

ამ რამოდენიმე წუთის წინ მოხდა. ახლაც შთაბეჭდილების ქვეშ ვარ… სიტყვასიტყვით, მშრალად გიყვებით:

მამაჩემისა და მერაბ კოსტავას მეგობარი და თანამდგომი იყო, 80 წელს მიღწეული მათი სკოლელი და თანატოლი, მუსიკათმცოდნე, კრიტიკოსი იუნონა აფაქიძე. მარტოხელა ქალი იყო, გაუთხოვარი, საკუთარი ოჯახი არ დარჩენია. წელიწადში რამოდენიმეჯერ – ბაბუას,მამიდას, მამის გარდაცვალებისა და დაბადების დღეებს არ გააცდენდა, რომ ყვავილები არ მოეტანა. ცოტა მძიმე ხასიათიც ჰქონდა… ამ რამოდენიმე დღის წინ გარდაცვლილა, დღეს იყო დასაფლავება და მე უსინდისოს სულ ამომივარდა თავიდან. ხომ უნდა მივსულიყავი…

წეღან ტელეფონი შევაერთე დასატენად და უცებ რაღაც ავტომატური ტექსტის ხმა გავიგე. მივედი აპარატთან და ვხედავ: ჩემი ტელეფონი თავისით რეკავს – voice call Iunona Apaqidze…

გინდ დაიჯერეთ, გინდა არა. უბრალოდ გთხოვთ, ვისაც შეგიძლიათ, უბრალოდ მოიხსენიეთ თქვენს გონებაში, რომ მშვიდად განისვენოს ტრაგიკულმა, ერთგულმა მეგობარმა იუნონამ, და მსუბუქი იყოს მისთვის ქართული მიწა…

 

Facebook Comments
x

Check Also

თბილისის საკრებულოში კულტურის სტრატეგიასთან დაკავშირებით შეხვედრა გაიმართა

თბილისის საკრებულოში გაიმართა შეხვედრა ევროპის კულტურის პარლამენტის თავმჯდომარესთან, კარლ ერიკ ნორმანთან. შეხვედრაში მონაწილებას იღებდნენ თბილისის ...