Home » მთავარი » “ბაჩოს მიუსაჯეს რუსეთის ჯაშუშების საქმეზე, სადაც მთავარი მოწმე ბედუკაძე იყო…”

“ბაჩოს მიუსაჯეს რუსეთის ჯაშუშების საქმეზე, სადაც მთავარი მოწმე ბედუკაძე იყო…”

პოლკოვნიკ სერგო თეთრაძის წამების საქმეზე თავდაცვის ყოფილი მინისტრი ბაჩო ახალაია სასამართლომ დამნაშავედ ცნო და მას ცხრა წლით თავისუფლების აღკვეთა მიუსაჯა.

სასამართლომ ასევე დამნაშავედ ცნო ამავე საქმეში ბრალდებული ნიკოლოზ ძიმცეიშვილიც და მას ოთხი წლით პატიმრობა მიესაჯა.

სასამართლო განხილვები ოთხი წლის განმავლობაში მიმდინარეობდა.

სასამართლოს განაჩენს ბრალდებული სოციალური ქსელით გამოეხმაურა.

-ერთია, როცა დანაშაულს დაგაბრალებენ, მეორეა, როცა ამ სახით აშკარა შეურაცხყოფას გაყენებენ. ეს განაჩენი, ეს სასამართლო, მთლიანად ეს ხელისუფლება დაკავებულია ჩემთვის ისეთი შეურაცხყოფის მოყენებით, რომელმაც სამუდამოდ უნდათ გამანადგუროს მორალურად; მაგრამ ამ შეურაცხყოფაზე ჩემი ერთადერთი პასუხი იქნება ის, რომ რამდენი წელიც არ უნდა დაჭირდეს ყველაფერს გავაკეთებ იმისთვის, რომ ჩემს შვილებს, ჩემს ოჯახს, მთელ ქართულ საზოგადოებას სწორედ ამ მოსამართლეების პირიდან მოვასმენინო სრული სიმართლე. ისინი უნდა წარსდგნენ ხალხის წინაშე და დეტალურად მოყვნენ ვინ დაავალა ასეთი სიბინძურეების კეთება და რატომ ასრულებენ ასეთ ბინძურ დავალებებს”-წერს ახალაია.

სასამართლო განაჩენს გამოეხმაურა ანი ნადარეიშვილიც.

-დღეს ივანიშვილის ჯიბის სასამართლომ და მოსამართლე ლელა შკუბულიანმა 9 წელი (სიმბოლურად 9) მიუსაჯა ბაჩოს რუსეთის ჯაშუშების საქმეზე, საქმეზე სადაც მთავარი მოწმე ლადო ბედუკაძე იყო, საქმეზე, რომელზეც მოსკოვიდან სკაიპით ბაჩოს წინააღმდეგ დაიკითხა ჯაშუში ჩაპლიგინი; საქმეზე რომლის ექსპერტის ფარული ჩანაწერი გავრცელდა სადაც პროკურატურას ექსპერტი პირდება რომ როგორც მათ უნდათ ისე იქნება ყველაფერი, საქმეზე სადაც 2013 წელს ექსგუმაცია ჩაუტარეს ჯაშუშ თეთრაძეს და დადგინდა რომ ის გაუპატიურებული არ ყოფილა და გულით გარდაიცვალა.

ამ “9 წლიანი” განაჩენით ბაჩო დასაჯეს იმისთვის რომ ვერ გატეხეს!

პ.ს. რა მნიშვნელობა აქვს ციფრებს 9 იქნება თუ 109, ბაჩო მაშინ გამოვა ციხიდან როცა ბორია ივანიშვილი აღარ იქნება საქართველოს დირექტორი-წერს ნადარეიშვილი.

Facebook Comments
x

Check Also

პარლამენტთან კარვები გაიშალა

პარლამენტთან კარვები გაიშალა, ამ დროისთვის გაშლილია 5 კარავი. ადგილზე მიტანილია ბარიერებიც. აქციის მონაწილეები აცხადებენ, რომ ...