Home » მთავარი » “ტყუილს ამბობ, პრემიერო! ამას კეთილის მსურველი გეუბნები“

“ტყუილს ამბობ, პრემიერო! ამას კეთილის მსურველი გეუბნები“

ქართულ ამერიკული ალიანსის საქართველოს წარმომადგენლობის ხელმძღვანელი ირაკლი შიხიაშვილი გიორგი კვირიკაშვილის იმ განცხადებას ეხმიანება, რომლითაც პრემიერმა მალხაზ მაჩალიკაშვილს მიმართა.

-ტყუილს ამბობ პრემიერო! მაჩალიკაშვილი თვეობით ითხოვდა შენთან შეხვედრას! მეტსაც გეტყვი, კანცელარიის კართან მოსულსაც არ უპირებდი მიღებას, სანამ გამწარებულ კაცს არ ათქმევინე-პრემიერი იმიტომ არ მიღებს, რომ მუსულმანი და ეთნიკური უმცირესობის წარმომადგენელი ვარო! პოლიციის კორდონი კი არ უნდა დაგეხვედრებინა და თადუმაძე კი არ უნდა გაგეგზავნა სალაპარაკოდ, თვითონ უნდა დახვედროდი, ხელი მოგეხვია, მიგესამძიმრებინა ორივე მამისთვის და ნაცმოძრაობას ნაკლები საყეფარი ექნებოდა და შენ თავთანაც უფრო მართალი იქნებოდი! – დამიჯერე,ამას კეთილისმსურველი გეუბნები“

შეგახსენებთ:

-არ მინდა, გქონდეთ შეგრძნება, რომ თქვენ სახელმწიფომ გაგრიყათ და უარს ამბობს კომუნიკაციაზე, – ამის შესახებ საქართველოს პრემიერ-მინისტრმა, გიორგი კვირიკაშვილმა მალხაზ მაჩალიკაშვილთან შეხვედრისას განაცხადა.
საქართველოს პრემიერ-მინისტრის პრესსამსახურის ინფორმაციით, შეხვედრის დასაწყისში პრემიერ-მინისტრმა აღნიშნა, რომ საკუთარ მოქალაქეებთან კომუნიკაციაზე უარი არასოდეს უთქვამს.
„მე არ მინდა, გქონდეთ შეგრძნება, რომ თქვენ სახელმწიფომ გაგრიყათ და უარს ამბობს კომუნიკაციაზე. პირადად თქვენგან არ ყოფილა ჩემთან შეხვედრის მოთხოვნა, თორემ ეს შეხვედრა აქამდეც შედგებოდა, ამ აქციების გარეშე. მინდა, თქვენ, თქვენს ოჯახს და მთლიანად პანკისელებს კიდევ ერთხელ სამძიმარი გამოგიცხადოთ“, – განაცხადა გიორგი კვირიკაშვილმა შეხვედრაზე.
პრემიერმა მოისმინა ის კითხვები, რომლებიც მაჩალიკაშვილების ოჯახს პანკისში ჩატარებულ სპეცოპერაციასთან დაკავშირებით აწუხებს. გიორგი კვირიკაშვილი ასევე გაეცნო ოჯახის ადვოკატების მოსაზრებებს გამოძიების პროცესსა და საქმის ცალკეულ გარემოებებთან დაკავშირებით და განაცხადა, რომ მათი მხრიდან გაჟღერებული საკითხებით დაინტერესდება და მაქსიმალურად შეეცდება, ამ საქმეზე უსამართლობის განცდა არ არსებობდეს.
შეხვედრაზე მაჩალიკაშვილების ოჯახის ადვოკატებისთვის საქმის მეტი დეტალის გაცნობის შესაძლებლობაც განიხილეს.
საქართველოს პრემიერ-მინისტრი გიორგი კვირიკაშვილი მალხაზ მაჩალიკაშვილს მის ადვოკატებთან და სახალხო დამცველთან ერთად შეხვდა. შეხვედრას ვიცე-პრემიერი, შინაგან საქმეთა მინისტრი გიორგი გახარია და მთავრობის ადმინისტრაციის უფროსი შალვა თადუმაძე ესწრებოდნენ.

Facebook Comments
x

Check Also

წინ გველის ურთულესი 6 თვე…

გიორგი გახარია – წინ გველის ურთულესი 6 თვე და ჩვენ ისევ გვაქვს ჩვენი მოქალაქის გონიერების, ...