Home » მთავარი » რეზო გაბრიაძეს ქართული კულტურის განვითარებაში შეტანილი წვლილისთვის სიგელი გადაეცემა

რეზო გაბრიაძეს ქართული კულტურის განვითარებაში შეტანილი წვლილისთვის სიგელი გადაეცემა

ქართველ მხატვარს, თეატრისა და კინოს რეჟისორს, მწერალსა და მოქანდაკე რეზო გაბრიაძეს ქართული კულტურის განვითარებასა და პოპულარიზაციაში შეტანილი წვლილისთვის სიგელი გადაეცემა, – ამის შესახებ დედაქალაქის მერმა კახა კალაძემ თბილისის მერიაში გამართულ მთავრობის სხდომაზე განაცხადა.

რეზო გაბრიაძეს 29 ივნისს, 82 წელი შეუსრულდა. თბილისის მერმა ხელოვანს აღნიშნული თარიღი მიულოცა და ქალაქის ცხოვრებაში მის განსაკუთრებულ ღვაწლს გაუსვა ხაზი.

„საბედნიეროდ, დედაქალაქს ჰყავს და ყოველთვის ჰყავდა განსაკუთრებული ადამიანები, რომელთა საქმიანობა და შემოქმედება ქალაქის ყოველდღიურობას განსაკუთრებულ ხიბლს სძენდა და სძენს. ერთ-ერთი ასეთი გამორჩეული ხელოვანი რეზო გაბრიაძეა. მას რამდენიმე დღის წინ, 29 ივნისს, 82 წელი შეუსრულდა. მინდა კიდევ ერთხელ მივულოცო, ვუსურვო ჯანმრთელობა, დღეგრძელობა და ქართული კულტურის განვითარებასა და პოპულარიზაციაში შეტანილი უდიდესი წვლილისთვის სიგელი გადავცე“, – განაცხადა კახა კალაძემ.

აქვე იხილიეთ:

 

Facebook Comments
x

Check Also

აქცია “შემახე ამნისტია” რეგიონებში გაგრძელდება – 3 ივნისი, ბათუმი

მოძრაობა “შემახე ამნისტიამ” რუსთაველის მეტროსთან აქცია გამართა. აქციის მონაწილეების თქმით, მათი მთავარი მოთხოვნა საკანონმდებლო ორგანოსგან ფართომასშტაბიანი ამნისტიის მიღებაა. ...