You are here
გაუპატიურების მცდელობაში ბრალდებული სამხედრო თავდაცვის სამინისტროდან დაითხოვეს მთავარი სამართალი სამხედრო საქმე 

გაუპატიურების მცდელობაში ბრალდებული სამხედრო თავდაცვის სამინისტროდან დაითხოვეს

შინაგან საქმეთა სამინისტრო გაუპატიურების მცდელობაში ბრალდებულ სამხედრო მოსამსახურეზე განცხადებას ავრცელებს. უწყების ინფორმაციით, დაკავებულია 1981 წელს დაბადებული ხ.შ.

“შინაგან საქმეთა სამინისტროს ისანი-სამგორის პოლიციის სამმართველოს მე-11 განყოფილების თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1981 წელს დაბადებული ხ.შ., გაუპატიურების მცდელობის ბრალდებით, თბილისში დააკავეს. მის მიერ ჩადენილი დანაშაული 6-დან 8 წლამდე თავისუფლების აღკვეთას ითვალისწინებს.
გამოძიებამ დაადგინა, რომ მიმდინარე წლის 26 აგვისტოს ბრალდებულმა, 1988 წელს დაბადებული თ.ც.-ს გაუპატიურება სცადა. მსხვერპლმა ხ.შ.-ს წინააღმდეგობა გაუწია და ბრალდებულმა განზრახვა სისრულეში ვერ მოიყვანა. იგი შემთხვევის ადგილიდან მიიმალა.
პოლიციამ, ცხელ კვალზე ჩატარებული საგამოძიებო მოქმედებების შედეგად, ხ.შ. მომხდარიდან მალევე დააკავა.
გამოძიება გაუპატიურების მცდელობის ფაქტზე, საქართველოს სისხლის სამართლის კოდექსის 19-137-ე მუხლით მიმდინარეობს”, – წერია შინაგან საქმეთა სამინისტროს განცხადებაში.

თავდაცვის სამინისტროში ამბობენ, რომ შსს-ს მიერ სამხედრო მოსამსახურისთვის ბრალის წარდგენის შემდეგ, ის თავდაცვის უწყებიდან დაითხოვეს.

Comments

comments

Related posts