You are here
„სწორედ აქედან დაიწყება ჩვენი მომავალი თაობების და თბილისის კეთილდღეობა” მთავარი პოლიტიკა 

„სწორედ აქედან დაიწყება ჩვენი მომავალი თაობების და თბილისის კეთილდღეობა”

თბილისის საკრებულომ დღეს დედაქალაქის გენგეგმა დაამტკიცა.

სხდომაზე, საბურთალოს რაიონის მაჟორიტარმა დეპუტატმა დავით უთმელიძემ მიწათსარგებლობის გენერალურ გეგმასთან და მიმდინარე რესტავრაციების ხარისხთან დაკავშირებით ოპოზიციის განცხადებებს უსაფუძვლო უწოდა.

მან ოპონენტებს მოუწოდა, გადახედონ რა ხარისხით მიმდინარეობდა რეკონსტრუქცია-რესტავრაციები წინა ხელისუფლების დროს და რა ხარისხით მიმდინარეობას ახლა.

„შეგიძლიათ აღმაშენებლის გამზირი ნახოთ, როგორი ხარისხით გააკეთეთ. შეგიძლიათ ჩვენი გაკეთებული ახალი აღმაშენებელი იხილოთ, ასევე ორბელიანის და გუდიაშვილის მოედნები. ხარისხში როგორი განსხვავებაცაა, ამას კარგად ხედავს საზოგადეობა“- განაცხადა დეპუტატმა.

დავით უთმელიძე ამბობს, რომ თბილისის მიწათსარგებლობის გენერალური გეგმა, დღეის მდგომარეობით, თბილისისთვის იდეალური დოკუმენტია.

„სწორედ აქედან დაიწყება ჩვენი მომავალი თაობების და ჩვენი ქალაქის კეთილდღეობა. მოსახლეობა ამას ელოდება. მინდა, მადლობა გადავუხადო ყველას, ვინც სამი წლის განმავლობაში დაუღალავად იშრომა ამ სასიკეთო საქმისთვის. ასევე, მინდა წინასწარ მოვულოცო ჩემს კოლეგებს, ჩვენს თანამოქალაქელებს ქალაქისთვის ასეთი მნიშვნელოვანი დოკუმენტის მიღება“- აღნიშნა დავით უთმელიძემ.

Comments

comments

Related posts