Home » მთავარი » დაკავებულია “მამიდა” როენა ხურცილავა

დაკავებულია “მამიდა” როენა ხურცილავა

დაკავებულია როენა ხუცურაული, იგივე “მამიდა,” რომელიც სასჯელს პროსტიტუციისათვის ადგილის გამოყოფის ბრალდებით .

ამჯერად ის ორგანიზებული დანაშაულის მუხლითაა დაკავებული. საქმე ეხება ტრეფიკინგს. სპეცოპერაცია გლდანში, მის კუთვნილ სასტუმრო “მამიდაში” ჩატარდა.როენა ხუცურაულთან ერთად კიდევ სამი პირია დაკავებული.

საქმის დეტალებზე განცხადებას ავრცელებს შინაგან საქმეთა სამინისტრო.

ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლების მიერ დაკავებულია: სასტუმრო „მამიდას“ მფლობელი, 1960 წელს დაბადებული რ. ხ. -მეტსახელად „მამიდა“, ამავე სასტუმროს მოიჯარე, 1972 წელს დაბადებული ზ. ქ. – მეტსახელად „სალომე“ და სასტუმრო „გოლდის“ მფლობელი, 1976 წელს დაბადებული ნ. დ. მათ მიერ ჩადენილი დანაშაული 2-დან 6 წლამდე ვადით თავისუფლების აღკვეთას ითვალისწინებს.

გამოძიების ფარგლებში, მოსამართლის განჩინების საფუძველზე ჩატარებული ფარული ოპერატიულ-საგამოძიებო ღონისძიებების შედეგად დადგინდა, რომ დაკავებულები, თავიანთ კუთვნილ სასტუმროებში ფართს, პროსტიტუციის ხელშეწყობის მიზნით, სისტემატურად აქირავებდნენ.

გამოძიება მიმდინარეობს პროსტიტუციის ხელშეწყობის და წინასწარი შეთანხმებით ჯგუფის მიერ სასტუმროს ნომრების პროსტიტუციისთვის გადაცემის ფაქტებზე, საქართველოს სსკ-ის 254-ე მუხლის 1-ლი ნაწილით, ასევე, ამავე მუხლის მე-3 ნაწილის ,,ა“ და ,,გ“ ქვეპუნქტებით.

Facebook Comments
x

Check Also

აუცილებელია ეროვნული პოლიტიკისა და ადგილობრივი ინიციატივების შემუშავება

თამთა მეგრელიშვილი იურისტი, საჯარო სამართლის დოქტორი თამთა მეგრელიშვილი -არ არსებობენ ბავშვები – არსებობენ ადამიანები” იანუშ ...