Home » მთავარი » “მოგმართავთ ჩემს და ჩემი ქვეყნის მეგობრებს, შემოგვიერთდეთ და მხარი დაგვიჭიროთ…”

“მოგმართავთ ჩემს და ჩემი ქვეყნის მეგობრებს, შემოგვიერთდეთ და მხარი დაგვიჭიროთ…”

ევროსაბჭოს რეგიონთა კონგრესისა და საქართველოს ადგილობრივ თვითმმართველობათა ეროვნული ასოციაციის (NALAG) ვიცე-პრეზიდენტმა – თამარ ტალიაშვილმა ბრიუსელში კონგრესის ბიუროს სხდომაზე ევროპელ კოლეგებს მიმართა და დამსწრე საზოგადოებას რუსეთის ფედერაციის მხრიდან, საქართველოზე მორიგი ზეწოლის შესახებ მიაწოდა ინფორმაცია.

თამარ ტალიაშვილის განცხადებით,   ამჯერად,რუსეთის პრეზიდენტმა რუსულ ტურისტულ სააგენტოებს საქართველოში სამოგზაურო ტურების ორგანიზება აუკრძალა. მისივე თქმით,
ტურისტული სეზონი საქართველოში უკვე დაწყებულია და შესაბამისად, იქმნება საფრთხე, რომ ასეთი რადიკალური ცვლილება უარყოფითად აისახოს ქვეყნის ეკონომიკაზე.

,,ეს ნამდვილად გამოწვევაა, მაგრამ ქართველმა ხალხმა გადაწყვიტა ეს გამოწვევა სასიკეთოდ გამოიყენოს და ახალი შემართებით, მეტი ძალისხმევა მიმართოს ტურისტული ბაზრის დივერსიფიცირებისაკენ.
მე მოგმართავთ თქვენ, ჩემს და ჩემი ქვეყნის მეგობრებს, შემოგვიერთდეთ და მხარი დაგვიჭიროთ ამ ძალისხმევაში. თითოეული თქვენთაგანი თქვენს ქვეყანაში დიდ ავტორიტეტს წარმოადგენთ, თქვენი ნაბიჯები გადადგმული ხსენებული მიმართულებით, მნიშვნელოვანი დახმარება იქნება ჩვენი ქვეყნისათვის ამ გამოწვევის გადასალახად”, -განაცხადა თამარ ტალიაშვილმა.

აღნიშნულ კამპანიაში სხვადასხვა ქვეყნის ათობით წარმომადგენელმა მიიღო მონაწილეობა.

თამარ ტალიაშვილი საკუთარ ფეისბუქგვერდზე ავრცელებს ფოტოებს, სადაც მისი კოლეგები სოციალურ ქსელში დაწყებულ ქართულ სახალხო კამპანიას უერთდებიან.

ფოტოები იხილეთ:  

https://www.facebook.com/GDTamarTaliashvili/photos/a.125412644779786/385570422097339/?type=3&theater

Facebook Comments
x

Check Also

“საშინელ სიზმარშიც არ დაგვესიზრმებოდა…”

დავით ნებიერიძე საზოგადოება “ივერია” -ვუსმინე შანდეროვიჩის ლექციას ტვ”დოჟდზე”, სადაც ის განიხილავს რუსეთში შექმნილ პოლიტიკურ მოცემულობას ...