Home » მთავარი » “დღეს დავდექით ისევ საფრთხის წინაშე!..”

“დღეს დავდექით ისევ საფრთხის წინაშე!..”

უზენაესი სასამართლოს უვადო მოსამართლეების შერჩევასთან დაკავშირებით ეკა ბესელიამ დღეს საგანგებო ბრიფინგი გამართა. დეპუტატი ამბობს, რომ ბრიფინგის 7 ნოემბერს გამართვას სიმბოლური დატვირთვა აქვს.

პარლამენტის დამოუკიდებელი დეპუტატი თანაგუნდელებთან ერთად მოუწოდებს პარლამენტს, მხარი არ დაუჭირონ მოსამართლეობის იმ კანდიდატებს, რომლებიც  სიაში სწორედ იმ ნიშნით მოხვდნენ, რომ ძველ და ახალ ხელისუფლებას ემსახურებოდნენ და არა მართლმსაჯულებას.

“სწორედ იმიტომ, რომ სასამართლო კონტროლი არ არსებობდა, თავის დროზე ის სისტემა და რეჟიმი იყო ძალადობრივი. მთავარი შემაკავებელი და გარანტი, რომ ადამიანები იყვნენ დაცული, არის დამოუკიდებელი და თავისუფალი სასამართლო.

დღეს დავდექით ისევ საფრთხის წინაშე  სწორედ იმ მოსამართლეებისგან, რომლებიც 7 ნოემბერს, 15 ივნისს, 6 მაისს თუ სხვა ტიპის ძალადობრივ თარიღებს აკანონებდნენ და წინა რეჟიმს მათი ლეგიტიმაციის საშუალებას აძლევდნენ. ეს რომ არ განმეორდეს და არ იყოს ახალი 7 ნოემბერი, ახალი დარბევები და ახალი დაზარალებულები არ გაჩნდნენ, ამიტომ გვჭირდება მობილიზება,” – განაცხადა ეკა ბესელიამ

ბესელიას თქმით, 20-კაციანი სიიდან 15 არის მოსამართლე, რომელიც სისტემას აძლიერებდა და  წინა ხელისუფლების დროს უსამართლობას ქმნიდა.

“ეს ადამიანები შეირჩნენ ლოიალობის და წარსულში ამ დავალებების შესრულების ნიშნით,”- აღნიშნა ბესელიამ.

Facebook Comments
x

Check Also

ქართული ანბანი მსოფლიოს ყველაზე ლამაზ დამწერლობებს შორის მე-3 ადგილზეა

მსოფლიოს ხუთ ყველაზე ლამაზ დამწერლობას შორის ქართული მე-3 ადგილზეა. ამის შესახებ გამოცემა matadornetwork.com წერს, სადაც ...