Home » მთავარი » თავდაცვის მინისტრმა დაღუპული სამხედროების ხსოვნას პატივი მიაგო

თავდაცვის მინისტრმა დაღუპული სამხედროების ხსოვნას პატივი მიაგო

13 დეკემბერი წმინდა მეფე ვახტანგ გორგასლის ხსენების დღეა. ამ დღესთან დაკავშირებით წმინდა მეფე ვახტანგ გორგასლის სახელობის ეკლესიაში წირვა აღევლინა და 2008 წლის აგვისტოს ომში გმირულად დაღუპული კაპრალის, ვახტანგ გზირიშვილის დედის, მარინა გზირიშვილის ინიციატივით, საქართველოს ტერიტორიული მთლიანობისთვის ბრძოლაში დაღუპული გმირების სულის მოსახსენიებელი პანაშვიდი გადაიხადეს.

პანაშვიდს საქართველოს თავდაცვის მინისტრი, ირაკლი ღარიბაშვილი, თავდაცვის ძალების მეთაური, გენერალ-ლეიტენანტი ვლადიმერ ჩაჩიბაია და თავდაცვის ძალების სხვა ხელმძღვანელი პირები დაესწრნენ. ეკლესიაში დაღუპული სამხედრო მოსამსახურეების ოჯახის წევრებიც იმყოფებოდნენ.

თავდაცვის მინისტრმა დაღუპული გმირების ხსოვნას პატივი მიაგო, მათ ოჯახის წევრებს მადლობა გადაუხადა და მხარდაჭერა აღუთქვა.
წმინდა მეფე ვახტანგ გორგასლის სახელობის ეკლესია 2008 წელს დაღუპული ჯარისკაცის, კაპრალ ვახტანგ გზირიშვილისა და მისი თანამებრძოლების სახელობის საქველმოქმედო ფონდის ინიციატივით აშენდა.

Facebook Comments
x

Check Also

მიშა ქუმსიშვილი რუსთავში ლეიბორისტული პარტიის მაჟორიტარი დეპუტატობის კანდიდატია

ლეიბორისტული პარტიის მაჟორიტარი დეპუტატობის კანდიდატი რუსთავში მიხეილ ქუმსიშვილი იქნება. ყველაზე ახალგაზრდა კანდიდატის თქმით, რუსთაველი არაა, ...