Home » მთავარი » მამუკა ხაზარაძე “ქართული ოცნების” დეპუტატებს, წევრებსა და მხარდამჭერებს ღია წერილით მიმართავს
ხაზარაძე

მამუკა ხაზარაძე “ქართული ოცნების” დეპუტატებს, წევრებსა და მხარდამჭერებს ღია წერილით მიმართავს

ლელოს” დამფუძნებელი მამუკა ხაზარაძე “ქართული ოცნების” დეპუტატებს, წევრებსა და მხარდამჭერებს ღია წერილით მიმართავს.

როგორც ხაზარაძის წერილშია აღნიშნული, საერთაშორისო საზოგადოების მძაფრი კრიტიკა, უნდობლობა, ნეგატიური დამოკიდებულება და პოლიტიკური კრიზისი გაღრმავდება, დღევანდელი ხელისუფლება კი ქვეყანას საერთაშორისო იზოლაციაში მოაქცევს.

მისივე შეფასებით, თუ პროცესები ასე გაგრძელდა, “ქართული ოცნება” შესაძლოა “კოლექტიურ ორჯონიკიძედ” გადაიქცეს.

“ქართული ოცნების” პროპაგანდისტები ცდილობენ, მინიმუმამდე დაიყვანონ ევროპარლამენტარების გამოსვლებიდან და ამერიკელი კონგრესმენების წერილებიდან მიღებული გზავნილი. არადა, პოლიტიკაში ჩაუხედავი ადამიანებისთვისაც აშკარაა, რასაც ნიშნავს ასეთი განცხადებები. აშკარაა, რომ ეს უკვე შეუქცევადი პროცესია, რომ საერთაშორისო საზოგადოების მძაფრი კრიტიკა, უნდობლობა, ნეგატიური დამოკიდებულება, პოლიტიკური კრიზისი გაღრმავდება და დღევანდელი ხელისუფლება ქვეყანას საერთაშორისო იზოლაციაში მოაქცევს.

ეჭვქვეშ დგება ჩვენი ევროატლანტიკური კურსი და აშშ-ს სტრატეგიული პარტნიორობა. თუ რაღაც არ შეიცვალა, სულ მალე ჩვენს ქვეყანას საერთაშორისო პარტნიორად ერთადერთი ქვეყანა დარჩება, სწორედ ის, რომელსაც ჩვენი ტერიტორიების 20% აქვს ოკუპირებული და ყველა ხერხით ხელს უშლის ჩვენს ჩართვას საერთაშორისო თანამეგობრობაში.

ამ ვითარებაში მინდა მივმართო “ქართული ოცნების” დეპუტაციას, პარტიის წევრებს და მხარდამჭერებს: თქვენ კარგად უნდა გაიაზროთ ის ისტორიული პასუხისმგებლობა, რომელიც დღეს გეკისრებათ. თქვენი ლიდერის მიერ წარმოებულმა კურსმა სულ მცირე ხანში შეიძლება დაგვაკარგვინოს ის, რასაც 30 წლიანი ბრძოლით, შრომით და გამარჯვებებით მივაღწიეთ. თუ ასე გაგრძელდა, თქვენი პარტია სულ მალე შეიძლება კოლექტიურ ორჯონიკიძედ იქცეს.

კარგად გაიაზრეთ, თუ რა ადგილს დაიმკვიდრებთ ქვეყნის ისტორიაში. თქვენი ლიდერის ბოროტი კურსი შესაჩერებელია და ეს, პირველ რიგში, თქვენი ვალია, რადგან სწორედ თქვენი მხარდაჭერაა ის, რითაც ეს კურსი სულდგმულობს. ნუ დაუშვებთ, რომ საფრთხე რეალობად იქცეს.

მიიღეთ ეს გაფრთხილებად. ჯერ კიდევ არსებობს იმედი, რომ ზოგ თქვენგანს მაინც აქვს შერჩენილი საღი აზრი და ქვეყნის სიყვარული. საქმე ეხება ქვეყნის ბედს და არა ერთი ადამიანის ძალაუფლებას, რომელსაც ცუდად ესმის, რას ნიშნავს ქვეყანა და მისი ისტორიული სტრატეგია,” – ნათქვამია ხაზარაძის განცხადებაში.

Facebook Comments
x

Check Also

“არ ენდოთ კერძო პირების დაპირებებს!”- საგარეო უწყების მიმართვა უცხოეთში მცხოვრებ ქართველებს

საქართველოს საგარეო საქმეთა სამინისტრო უცხოთში მყოფ ჩვენს თანამოქალაქეებს თხოვნით მიმართავს: “ბოლო პერიოდში, სოციალურ ქსელებში გააქტიურდნენ ...