Home » მთავარი » მივმართო ყველა მშობელს – როდესაც სკოლებში გეტყვიან ფარდების ფული მოიტანეთ, დამლაგებლის ფული მოიტანეთ…

მივმართო ყველა მშობელს – როდესაც სკოლებში გეტყვიან ფარდების ფული მოიტანეთ, დამლაგებლის ფული მოიტანეთ…

განათლების ყოფილი მინისტრიდიმიტრი შაშკინი განათლების, მეცნიერებისა და კულტურის სამინსიტროს კორუფციაში ადანაშაულებს.

შაშკინის განცხადებით, განათლების სამინისტრომ შპს ” ედუ გრუპს” ტენდერის გარეშე გაუფორმა ხელშეკრულება, რომლის მიხედვითაც, ამ კომპანიას საჯარო სკოლებში იურიდიული მომსახურების გაწევა დაევალა.

მისივე შეფასებით, ეს არის მასშტაბური კორუფციული სქემა და აღნიშნულმა კომპანიამ განათლების სამინისტროს დახმარებით დაახლოებით 7 წელში 21 მილიონ ლარამდე მოგება ნახა.

“21 მილიონი ლარი არის წაღებული ამ ფირმების მეშვეობით განათლების სისტემიდან 7 წლის განმავლობაში. მე მინდა მივმართო ყველა მშობელს – როდესაც თქვენ სექტემბერში მიხვალთ სკოლებში და გეტყვიან, რომ ფარდების ფული მოიტანეთ, საპნის ფული მოიტანეთ, დამლაგებლის ფული მოიტანეთ, გაიხსენეთ 21 მილიონი სად წავიდა. პანდემიის პირობებში ამისთვის სცალიათ, რომ სკოლებს დაავალონ არა პრობლემების მოგვარება, არა ონლაინ სწავლების ორგანიზება, არამედ ხელშეკრულებები კომპანიასთან, რომლის მეშვეობით, ყოველწლიურად სამიდან სამნახევარ მილიონ ლარამდე მიაქვთ სახლში,” – განაცხადა დიმიტრი შაშკინმა.

Facebook Comments
x

Check Also

საქართველოში კორონავირუსის 8 ახალი შემთხვევა გამოვლინდა, 5 პაციენტი კი გამოჯანმრთელდა

საქართველოში კორონავირუსის 8 ახალი შემთხვევა გამოვლინდა, 5 პაციენტი კი გამოჯანმრთელდა. მარინა ეზუგბაია -8 ახალი კოვიდინფიცირებიდან, ...