Home » საზოგადოება » 1921 წელს საქართველოს ოკუპაციის თემაზე საჯარო ლექცია გაიმართება

1921 წელს საქართველოს ოკუპაციის თემაზე საჯარო ლექცია გაიმართება

საქართველოს იუსტიციის სამინისტროს ეროვნული არქივის Facebook გვერდზე 1921 წლის 25 თებერვალს ბოლშევიკური რუსეთის მიერ დამოუკიდებელი საქართველოს ოკუპაციის 100 წლისათავთან დაკავშირებით საჯარო ლექციების ციკლი გრძელდება.  დღეს 18:00 საათზე ისტორიკოსი დიმიტრი სილაქაძე ისაუბრებს ომის პირველ ეტაპსა და თბილისის დაცემაზე. ინფორმაციას ეროვნული მუზეუმი ავრცელებს.

„პირველი რესპუბლიკის ისტორიის მკვლევარმა, ეროვნული არქივის თანამშრომელმა დიმიტრი სილაქაძემ ოკუპაციის თემაზე 3 საჯარო ლექცია მოამზადა. „მზადება ომისათვის“ facebook გვერდზე საზოგადოებამ 18 თებერვალს live რეჟიმში იხილა (მისი ვიდეოჩანაწერი ხელმისაწვდომია ამავე გვერდზე). 26 თებერვლის ლექციის თემა კი „ომი თბილისის დაცემის შემდეგ და მარცხი“ იქნება.

ლექციებში მიმოხილულია ის უნიკალური საარქივო მასალა, რომელიც 100 წლის წინათ საქართველოში განხორციელებულ ტრაგიკულ მოვლენებზე საინტერესო და უტყუარ ცნობებს გვაწვდის.

ბოლო წლებში საქართველოს ეროვნული არქივი აქტიურად მუშაობს, რათა საქართველოს პირველი რესპუბლიკის ისტორიის ამსახველი დოკუმენტები საზოგადოებისთვის უფრო მეტად ხელმისაწვდომი გახდეს. ამისთვის არაერთი საგანმანათლებლო და სამეცნიერო პროექტი ჩატარდა, გამოიცა წიგნები, შეიქმნა ელექტრონული კატალოგი და მულტიმედია გვერდი, გაიმართა გამოფენები მატერიალურ და ციფრულ ფორმატში. ამ მრავალფეროვანი რესურსების გაცნობა არქივის ვებგვერდზეა შესაძლებელი: https://archive.gov.ge/ge.”- აღნიშნულია განცხადებაში.

x

Check Also

სოზარ სუბარი – როდესაც ფარულ ჩანაწერებს ვუყურებთ, არ გვიკვირს, ბევრი ოპოზიციონერი რატომ ვერ გამოდის სააკაშვილის ბრჭყალებიდან, სავარაუდოდ ბევრ მათგანზე არსებობს სწორედ ასეთი ჩანაწერები

სააკაშვილის მთელი ძალაუფლება ეყრდნობოდა ორ წყაროს, ერთი იყო პირდაპირი ძალადობა და მეორე, ფარული ჩანაწერები ყველა ...