ივანიშვილს ღარიბაშვილი წკიპურტით გავაგდებინეთ – დავით ბერძენიშვილი
“რესპუბლიკური პარტიის” წევრმა, დავით ბერძენიშვილმა “პალიტრანიუსის” ეთერში ბოლო დროს ქვეყანაში განვითარებულ მოვლენებზე საუბრისას განაცხადა, რომ პრემიერ-მინისტრი, ირაკლი ღარიბაშვილი ორი ბატონის – ბიძინა ივანიშვილის და საპატრიარქოს მსახურია.
როგორც ბერძენიშვილმა გადაცემა “დღის ნიუსრუმში” საუბრისას აღნიშნა, – “ღარიბაშვილი წკიპურტით გავაგდებინეთ თავის დროზე ჩვენ ივანიშვილს და მეორეჯერ ღარიბაშვილის წკიპურტით გაგდება ადვილი არ იქნება.”
“მენტალურადაც არის ორი ბატონის მსახური – როგორც ივანიშვილის, ასევე საპატრიარქოსი, მენტალურად ის ბნელია.
გულწრფელ ხალხს ყოველთვის იყენებს პოლიტიკური თუ არაპოლიტიკური ძალა. ყველაზე უფრო მკაფიო გამოხატულება მათი მიზნის და მოთხოვნის არის ევროკავშირის დროშის 2-ჯერ ჩამოხსნა“, – განაცხადა ბერძენიშვილმა.
