პედიატრიული ბავშვთა საწოლები აღარ გვექნება ქვეყანაში 1 კვირაში. ჟანგბადის დეფიციტი იქნება, ასევე, 1-2 კვირაში – გიორგი ფხაკაძე

ჯანდაცვის  დამოუკიდებელი ექსპერტი გიორგი ფხაკაძე კორონავირუსის „დელტა” შტამთან დაკავშირებით საყურადღებო ინფორმაციას ავრცელებს და საქართველოში ეპიდსიტუაციის გაუარესებას ვარაუდობს.

„ე.წ ინდური ვირუსი „დელტა” შტამი არის საქართველოში. საქართველო იმეორებს ინდურ სცენარს, ერთი ერთში. პედიატრიული (ბავშვთა) საწოლები აღარ გვექნება ქვეყანაში 1 კვირაში. ჟანგბადის დეფიციტი იქნება, ასევე, 1-2 კვირაში,” – განაცხადა ფხაკაძემ.

შექმნილი ვითარებიდან გამომდინარე, ფხაკაძე აუცილებლად მიიჩნევს რამდენიმე ნაბიჯის გადადგმას:

„ერთიანი ელექტრონული ჯანდაცვის სისტემა (პაციენტის ელექტრონული ბარათი).

პირბადეების ხარისხის ლაბორატორიის ჩამოტანა და გამართვა (ყალბი სამედიცინო პირბადეების ამოღება გაყიდვიდან).

ქვეყნის არჩაკეტვა და მართვა ეპიდემიის რეგიონების მიხედვით (ჩაკეტვა მარტო იმ რეგიონების, სადაც არის ეპიდემიის აფეთქება და არა მთელი ქვეყნის).

მწვანე რეგიონების შექმნა (სადაც ეპიდემიის კონტროლი იქნება უფრო მკაცრი).

წითელი სატრანსპორტო კორიდორების გახსნა (რომ ტრანზიტულმა მძღოლებმა არ გაავრცელონ ვირუსი).

საქართველო შეუერთდეს ევროკავშირის ერთიან კოვიდის “QR” კოდების სისტემას, რათა მინიმუმამდე იქნას დაწეული ყალბი „კოვიდ პასპორტების” გამოყენება საქართველოში,” – აცხადებს გიორგი ფხაკაძე.