თამარ გაბუნია – სოციალური და ეკონომიკური ფონი საკმაოდ მძიმეა, რაც ტოტალური „ლოკდაუნის“ შესაძლებლობას ძნელად მოგვცემს

სოციალური და ეკონომიკური ფონი არის საკმაოდ მძიმე, რაც ტოტალური „ლოკდაუნის“ შესაძლებლობას ძნელად მოგვცემს და ამის აუცილებლობა დღეს არც არის, რადგან გვაქვს ვაქცინაციის შესაძლებლობა, – ამის შესახებ ჯანდაცვის მინისტრის მოადგილემ თამარ გაბუნიამ ჟურნალისტებს განუცხადა.

„ამ ეტაპზე შეზღუდვების გამკაცრებაზე საუბარი ჯერჯერობით არ არის. ბოლო პერიოდში საკმაოდ დიდი აქცენტი კეთდებოდა შეზღუდვების წინააღმდეგ ისევ მოსახლეობის მხრიდან, სოციალური ფონი და ასევე, ეკონომიკური ფონი არის საკმაოდ მძიმე, რაც ტოტალური „ლოკდაუნის“ შესაძლებლობას ძნელად მოგვცემს და ამის აუცილებლობა დღეს არც არის, რადგან გვაქვს ვაქცინაციის შესაძლებლობა.

დღეს ჩვენთვის მეტად აქტიური მექანიზმი იმისთვის, რომ ამ სიტუაციიდან გამოვიდეთ, არის ვაქცინაცია და ასევე, იმ რეგულაციების აღსრულება, რაც ძალაშია. არავის არ უთქვამს, რომ პირბადის გამოყენება საჭირო არ არის და დიდი სოციალური შეკრებები დასაშვებია – დღეს ეს არის მთავარი ბუსტერი ეპიდემიის. ამდენად, რაც დადგენილია იმ რეგულაციების დაცვა აუცილებელია“, – განაცხადა გაბუნიამ.

Login

Welcome! Login in to your account

Remember me Lost your password?

Lost Password