თეა წულუკიანი სამუშაო ვიზიტით მესტიას, უშგულსა და ზემო სვანეთის რამდენიმე სოფელს ესტუმრა

საქართველოს კულტურის, სპორტისა და ახალგაზრდობის მინისტრი თეა წულუკიანი რეგიონებში სამუშაო ვიზიტების ფარგლებში მესტიის მუნიციპალიტეტს ესტუმრა – ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.

სამინისტროს ცნობით, მინისტრი სვანეთში პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბართან, მესტიის მაჟორიტარ დეპუტატ ვიქტორ ჯაფარიძესთან, მესტიის მუნიციპალიტეტის მერ კაპიტონ ჟორჟოლიანთან, არქიტექტორ-რესტავრატორ ტარიელ კიპაროიძესა და სამინისტროს წარმომადგენლებთან ერთად იმყოფებოდა.

დაბა მესტიაში სტუმრებმა რეაბილიტირებული და ასევე ის ძეგლები დაათვალიერეს, რომლებიც რეაბილიტაციას საჭიროებს. ასევე, მინისტრი თანმხლებ პირებთან ერთად უშგულსაც ეწვია და იუნესკოს ნუსხაში შეტანილი კულტურული მემკვიდრეობის ძეგლების მდგომარეობასა და ამ მხრივ მოსახლეობის წინაშე მდგარ გამოწვევებს გაეცნო.

„გვქონდა შესაძლებლობა, შევხვედროდით არა მხოლოდ სხვადასხვა პროექტის ავტორებს, ოსტატებსა და მშენებლებს, არამედ ასევე მოსახლეობასაც და მივაღწიეთ შეთანხმებებს ლაღამთან (მესტია), მულახთან, ხალდესა და უშგულის ოთხივე სოფელთან დაკავშირებით. აგვისტოდან, ჩვენ გადავდგამთ ნაბიჯებს, რათა ამ დასახლებებში კულტურული მემკვიდრეობის დაცვასთან დაკავშირებული კომპლექსური პრობლემები ნაბიჯ-ნაბიჯ აღმოიფხვრას“, – განაცხადა თეა წულუკიანმა.

Login

Welcome! Login in to your account

Remember me Lost your password?

Lost Password