ირაკლი კობახიძე – ხელშეკრულების გაწყვეტა კომპანია „ენკას“ გადაწყვეტილებაა, საქართველოს ხელისუფლება გააკეთებს ყველაფერს, რათა ენერგეტიკის მიმართულებით ინვესტიციები გაგრძელდეს

პარტია „ქართული ოცნების“ თავმჯდომარე ირაკლი კობახიძე აცხადებს, რომ კომპანია „ენკას“ მხრიდან ხელშეკრულების შეწყვეტა იყო კომპანიის მიერ გადადგმული ნაბიჯი.

როგორც ირაკლი კობახიძემ განაცხადა, საქართველოს ხელისუფლება გააკეთებს ყველაფერს, რათა კონკრეტულად ენერგეტიკის მიმართულებით ინვესტიციები გაგრძელდეს.

„ეს იყო კომპანიის მიერ გადადგმული ნაბიჯი. მთლიანობაში თქვენ იცით, რომ ენერგოდამოუკიდებლობის უზრუნველყოფა ჩვენთვის არის ერთ-ერთ პრიორიტეტი, არამარტო ეკონომიკური თვალსაზრისით, არამედ პოლიტიკური და უსაფრთხოების თვალსაზრისითაც. აქედან გამომდინარე, ეს არის ცუდი სიგნალი შემდგომი ინვესტიციებისთვის, თუმცა საქართველოს ხელისუფლება გააკეთებს ყველაფერს, რომ კონკრეტულად ენერგეტიკის მიმართულებით ინვესტიციები გაგრძელდეს. მთავრობას აქვს 10-წლიანი სამოქმედო გეგმა, მათ შორის ენერგეტიკის კუთხით და მილიარდობით დოლარის ინვესტიციის მოზიდვა არის დაგეგმილი. ეს არის რა თქმა უნდა, სამწუხარო გადაწყვეტილება, სამწუხარო ფაქტია, მაგრამ ყველაფერი გაკეთდება, რათა ქვეყნის ენერგოდამოუკიდებლობა სათანადოდ იყოს უზრუნველყოფილი“, – განაცხდა კობახიძემ.

კომპანია „ენკა რინიუებლზი“, რომელსაც „ნამახვანჰესი“ უნდა აეშენებინა, საქართველოსთან ხელშეკრულებას წყვეტს. ამის შესახებ კომპანიის განცხადებაშია ნათქვამი.

Login

Welcome! Login in to your account

Remember me Lost your password?

Lost Password