საია: ცესკომ კუჭავას მიმართ სამართალდარღვევის ოქმი შეადგინა

ცენტრალურმა საარჩევნო კომისიამ კახა კუჭავას მიმართ სამართალდარღვევის ოქმი შეადგინა. ინფორმაციას ამის შესახებ საქართველოს ახალგაზრდა იურისტთა ასოციაცია ავრცელებს.

2 ოქტომბერს თვითმმართველობის არჩევნების დროს, კახა კუჭავა საარჩევნო უბანზე იმყოფებოდა პირბადით, რომელზეც დატანილი იყო ქართული ოცნების სიმბოლიკა. კუჭავამ მაშინ განაცხადა, რომ სანამ უბანზე მივიდოდა, დილით არ მიუქცევია ყურადღება, რომელიც პირბადე გაიკეთა.

ამ ფაქტზე საიამ, როგორც სადამკვირვებლო ორგანიზაციამ, საჩივრით მიმართა საარჩევნო ადმინისტრაციას და მოითხოვა შესაბამისი რეაგირება.

“ცენტრალურმა საარჩევნო კომისიამ 12 ოქტომბერს ზეპირი მოსმენით განიხილა საიას საჩივარი. შედეგად, ხსენებული პირის მიმართ შედგა სამართალდარღვევის ოქმი აგიტაციის წესების დარღვევის ფაქტზე და საქმე განსახილველად გადაეგზავნა სასამართლოს”, – ამბობს ორგანიზაციაში.

Login

Welcome! Login in to your account

Remember me Lost your password?

Lost Password