ხათუნა სამნიძე – „რესპუბლიკური პარტია” 14 ოქტომბერს დაგეგმილ აქციას არ შეუერთდება

„რესპუბლიკური პარტიის“ ლიდერის ხათუნა სამნიძის განცხადებით, 14 ოქტომბერს, „ერთიანი ნაციონალური მოძრაობის” მიერ ორგანიზებულ აქციას “რესპუბლიკური პარტია” არ შეუერთდება. ამასთან დაკავშირებით სამნიძემ ჟურნალისტებს განუცხადა.

„მიხეილ სააკაშვილი არის პოლიტიკური დევნილი. ამას მოწმობს, პრემიერ-მინისტრის განცხადებებიც, რომელიც მიზანმიმართულია ქვეყნის მესამე პრეზიდენტის დისკრედიტაციისკენ. სოლიდარობას ვუცხადებთ მის მხარდამჭერებს. “რესპუბლიკური პარტია” 14 ოქტომბრის აქციას არ უერთდება”, – განაცხადა ხათუნა სამნიძემ.

ცნობისათვის, „ნაციონალურმა მოძრაობამ“ 14 ოქტომბერს მასშტაბური აქციის გამართვა დაანონსა.