ვინც არ არის იმუნური, კორონა ყველას იპოვის და ყველას დაემართება, არავინ იფიქროს, რომ ვინმე გადაურჩება – პაატა იმნაძე
დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, კორონავირუსი ყველს მისწვდება, ვინც იმუნური არ იქნება.
„გადაცემის რისკი ზაფხულშიც კი ძალიან მაღალია, აგვისტოში ამაში დავრწმუნდით და წარმოიდგინეთ ზამთარში ეს რისკები როგორ იზრდება, როცა უმრავლესობა ჩაკეტილია. ჩაკეტილი სივრცეები ბევრია და აცრები ბევრად არ მომატებულა ზაფხულის მერე. მესამედი არ იცრება ჯერ. ამიტომ ჩვენ, ყველანაირი გათვლებით, ქვეყანაში მოსახლეობის თითქმის ნახევარზე მეტი ვირუსის ამთვისებელია. ეს იმას ნიშნავს, რომ ეს დაავადება, ისევე როგორც წითელა და ჩუტყვავილა რომ მოედება ყველას, ვინც არ არის იმუნური, ყველას იპოვის და ყველას დაემართება. არავინ იფიქროს, რომ ვინმე კორონას გადაურჩება,” – განაცხადა პაატა იმნაძემ “დღის კურიერის” ეთერში.
