„უდიდესი ახალი ამბავია, ეს 10 ათასობით ადამიანში ჩატარებულმა კვლევამ გვაჩვენა” – გიორგი ფხაკაძე პოსტკოვიდურ მდგომარეობაზე
ადამიანებში, ვინც ვაქცინირებულები არიან და დაინფიცირდნენ კოვიდით, პოსტკოვიდური მდგომარეობა 50%-ით მცირდება – ამის შესახებ საზოგადოებრივი ჯანდაცვის ექსპერტმა, გიორგი ფხაკაძემ ,,palitranews” – ის ეთერში საუბრისას განაცხადა.
მისი თქმით, ყველავარიანტში, აცრა არის ერთ-ერთი ბერკეტი, რომ პოსტკოვიდური მდგომარეობა მინიმუმამდე იყოს დაყვანილი.
,,10 ათასობით ადამიანში ჩატარებულმა კვლევამ გვაჩვენა, რომ ადამიანები, ვინც ვაქცინირებულები არიან და დაინფიცირდნენ კოვიდით, პოსტკოვიდური მდგომარეობა 50%-ით მცირდება.
ეს არის უდიდესი ახალი ამბავი. ჩვენ ვიცით, რომ პოსტკოვიდური მდგომარეობა არის ის რთული პროცესი, რომელსაც ადამიანები გადიან კოვიდის შემდეგ.
კიდევ ერთხელ გავიმეორებ, რომ აცრა არის ერთ-ერთი ბერკეტი, რომ პოსტკოვიდური მდგომარეობა მინიმუმამდე იყოს დაყვანილი. ეს არის ურთულესი მდგომარეობა, რომელიც 200-მდე სხვადასხვა ტიპის სიმპტომს უტოვებს ადამიანს. გაუფრთხილდით საკუთარ თავს და თქვენი მეგობრების უფლებებს!” – განაცხადა ფხაკაძემ.