გერმანიამ რუსული გაზსადენი „ჩრდილოეთი ნაკადი 2“-ის სერტიფიცირების პროცესი შეაჩერა
გერმანიის კანცლერის, ოლაფ შოლცის გადაწყვეტილებით, რუსულ გაზსადენ „ჩრდილოეთის ნაკადი 2-ს“ ლიცენზია შეუჩერდა.
როგორც შოლცმა განაცხადა, უკრაინაში შექმნილი მდგომარეობის გათვალისწინებით, „ჩრდილოეთის ნაკადი 2“-ის პროექტი ვერ წაიწევს წინ. მისი თქმით, ლიცენზია შეჩერებულია.
„უახლესი მოვლენების გათვალისწინებით, ჩვენ უნდა გადავაფასოთ სიტუაცია, განსაკუთრებით „ჩრდილოეთი ნაკადი 2“-თან დაკავშირებით”, – აღნიშნა შოლცმა.
„ჩრდილოეთის ნაკადი 2“-ის გაზსადენით რუსული ბუნებრივი აირი გერმანიას უკრაინის ტერიტორიის გვერდის ავლით უნდა მიეღო.