ტორნადოს შედეგად გერმანიაში 1 ადამიანი დაიღუპა, 40 კი დაშავდა

გერმანიაში ტორნადოს შედეგად 40-ზე მეტი ადამიანი დაშავდა. ინფორმაციას „დოიჩე ველე” ავრცელებს.

მედიის ცნობით, ტორნადო გერმანიის დასავლეთ ნაწილში, რაინ-ვესტფალიის ჩრდილოეთ რაიონში მოხდა.

პოლიციის ინფორმაციით, დაშავდა 40-ზე მეტი ადამიანი, რომელთაგან ათის მდგომარეობა მძიმეა.

ტორნადომ ასამდე შენობას სახურავები გადახადა და დიდი რაოდენობით ავტომობილები დააზიანა.

გარდა ამისა, ტორნადომ მოგლიჯა ხეები და ჩახერგა ქალაქ ლიპშტადტის ერთ-ერთ აუზის გამოსასვლელი, რის გამოც, ასამდე ადამიანი ვერ ახერხებდა გარეთ გამოსვლას.

გერმანიის მეტეოროლოგიური სამსახურის ცნობით, ტორნადოს სიჩქარე საათში 130 კილომეტრს აღწევდა.

Login

Welcome! Login in to your account

Remember me Lost your password?

Lost Password