არანაირი დრაივი ან მოტივაცია, რომ ამ წუთში, რაიმე გააკეთონ ოპოზიციაში, არ არსებობს, სხედან პარლამენტში და კარგად არიან – ზურაბ ჯაფარიძე

არანაირი დრაივი ან მოტივაცია, რომ ამ წუთში, რაიმე გააკეთონ ოპოზიციაში, არ არსებობს. არ მგონია, რომ პარლამენტიდან გამოსვლით რაღაც შეიცვლება, მაგრამ მინიმუმ მოტივაცია მაინც ექნებათ. როდესაც კომფორტში ზიხარ და კომფორტიდან არ გამოდიხარ სტიმული არ გაქვს, რომ რაიმე გააკეთო, – განაცხადა „გირჩი-მეტი თავისუფლების“ თავმჯდომარე, ზურაბ ჯაფარიძემ „პალიტრანიუსის“ გადაცემა „პოლიტ-ქალაქში“.

მისივე თქმით, ოპოზიცია 2024 წლამდე არაფერს არ გააკეთებს, შემდეგ კი „ამოძრავდებიან და დაიწყებენ საუბარს, რომ ისტორიული მომენტია“.

„ახლა აქციების და ქუჩის პროტესტის განწყობა არ არის. როდესაც ამაზე ვსაუბრობ, ოპოზიციიდან ვიღაცებს სწყინთ, თითქოს რაღაცას ვერჩი. ოპოზიციაშიც არ არის მსგავსი განწყობა, სხედან პარლამენტში და კარგად არიან, დადიან ბუენოს-აირესში სამოგზაუროდ და ასე შემდეგ. არანაირი დრაივი ან მოტივაცია, რომ ამ წუთში რაიმე გააკეთონ ოპოზიციაში, არ არსებობს. არ მგონია, რომ პარლამენტიდან გამოსვლით რამე შეიცვლება, მაგრამ მინიმუმ მოტივაცია მაინც ექნებათ. როდესაც კომფორტში ზიხარ და კომფორტიდან არ გამოდიხარ, სტიმული არ გაქვს, რომ რაიმე გააკეთო. ამ წუთში ოპოზიცია არაფერს არ აკეთებს და არ გააკეთებს 2024 წლამდე, ეს სურათი ჩანს იმიტომ, რომ კარგად არიან, სადაც არიან. 2024 წელს ამოძრავდებიან, დაიწყებენ საუბარს, რომ „ახლა არის ისტორიული მომენტი, დედა უნდა ვუტიროთ, გადაწყდა სიტუაციაო“. იმედი მაქვს, რომ ოპოზიცია ერთიანობაში გაძლიერდება, მაგრამ როგორ მოახერხებენ ამას, არ ვიცი“,- განაცხადა ჯაფარიძემ.

Login

Welcome! Login in to your account

Remember me Lost your password?

Lost Password