ავღანეთში დამანგრეველ მიწისძვრას სულ მცირე 250 ადამიანი ემსხვერპლა – არიან დაშავებულები

ძლიერ მიწისძვრას ავღანეთში სულ მცირე 250 ადამიანის სიცოცხლე ემსხვერპლა, ასზე მეტი კი დაშავდა. ამის შესახებ BBC ადგილობრივ ოფიციალურ პირზე დაყრდნობით წერს.

შემთხვევა სამხრეთ-აღმოსავლეთ ქალაქ ხოსტიდან 44 კმ-ში მოხდა. სოციალურ ქსელებში გავრცელებულ სურათებზე ჩანს ხალხი საკაცეებზე და დანგრეული სახლები პაქტიკას პროვინციაში.

ოფიციალური პირი მედიას ეუბნება, რომ დაღუპულთა რიცხვი სავარაუდოდ, გაიზრდება, 150-ზე მეტი ადამიანი კი დაშავებულია.

Reuters აშშ-ის გეოლოგიური სამსახურზე დაყრდნობით წერს, რომ მიწისძვრის სიმძლავრე 6.1 მაგნიტუდა იყო.

რყევები დაახლოებით 500 კილომეტრზე იგრძნობოდა პაკისტანში, ავღანეთსა და ინდოეთში. ბიძგები იგრძნეს ავღანეთის დედაქალაქ ქაბულში, ასევე, პაკისტანის დედაქალაქ ისლამაბადში. პაკისტანში ზარალის ან დაღუპულის შესახებ ინფორმაცია ჯერ არ გავრცელებულა.

Login

Welcome! Login in to your account

Remember me Lost your password?

Lost Password