მიხეილ სააკაშვილი: ხერსონში უკრაინელები დიდი მასშტაბის გამარჯვებას მოიპოვებენ
“ხერსონში შეიძლება ჩვენებმა ხარკოვზე ბევრად დიდი მასშტაბის გამარჯვება მოიპოვონ” – ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.
მისი თქმით, საინტერესოა ის ფაქტიც, რომ ყაზახეთი მიუერთდა დასავლეთის სანქციებს რუსეთის წინააღმდეგ და ამ ფონზე, დასავლური სამხედრო დახმარება უკრაინის მიმართ იზრდება.
„კიდევ ერთი საინტერესო ამბავია, რომ ყაზახეთი მიუერთდა დასავლეთის ძირითად სანქციებს რუსეთის წინააღმდეგ ასევე ბოლო 5 დღის განმავლობაში ჩვენებმა ჩამოაგდეს მტრის 8 თვითმფრინავი და რამდენიმე უპილოტო აპარატი, მათ შორის, რუსეთის საუკეთესო დრონი, რომელიც რუსეთს ძალიან ცოტა აქვს – კარტოგრაფი.
რაც შეეხება დასავლურ სამხედრო დახმარებას, მთელ რიგ პოზიციებში უკრაინელებს პირველად გაუჩნდათ პროპიციტი ე.ი უფრო მეტი მიიღეს ვიდრე სჭირდებათ დღესდღეისობით.
სულ მალე შევა ასევე გერმანული და ამერიკული ანტი–საჰაერო სისტემები. ამავე დროს, უკრაინა აქტიურად აგრძელებს რუსული იარაღის წართმევას – ბოლო სტროფებს შორის არის საუკეთესო რუსული ტანკები ,,პროსივ” და ყველაზე დახვეწილი თვითმავალი საარტილერიო სისტემები რომლებიც ახლა უკრაინას უფრო მეტი აქვს ვიდრე რუსეთს დარჩა” – წერს მიხეილ სააკაშვილი
