როგორია აქტივობა სენაკის შუალედურ არჩევნებზე – ცესკო მონაცემებს აქვეყნებს

დღეს სენაკში მუნიციპალიტეტის საკრებულოს შუალედური არჩევნები მიმდინარეობს. სამივე საარჩევნო უბანი დილის 8 საათიდან გაიხსნა.

ცენტრალური საარჩევნო კომისიის მიერ გავრცელებული ინფორმაციით აქტივობა ასეთია:

10:00 სთ – 9,6% ( 221 ამომრჩეველი)

12:00 სთ – 21,1% ( 486 ამომრჩეველი) .

სულ დარეგისტრირებულია 2307 ამომრჩეველი.

ცნობისთვის, ამ არჩევნებს ოპოზიციის თითქმის სრული შემადგენლობა ბოიკოტს უცხადებს, თუმცა ამავე არჩევნების შედეგზეა დამოკიდებული თუ ვის დარჩება უმრავლესობა სენაკის საკრებულოში – ოპოზიციას თუ მმართველ გუნდს.

ამ დროისთვის, მნიშვნელოვანი დარღვევების შესახებ ინფორმაცია არ ვრცელდება.