15 000 ლარი სამთავრობო მომღერლებისთვის – ნახეთ ვინ და რატომ უხდის ბენდს ათასობით ლარს
თეთრიწყაროს მუნიციპალიტეტმა გამარტივებული შესყიდვის ფორმით სახალხო დღესასწაულის „გარისობა 2022” აღსანიშნად „ღამის შოუს ბენდთან” 15 000 ლარის ღირებულების ხელშეკრულება დადო – ამის შესახებ ინფორმაციას QvemoQartli.ge ავრცელებს.
როგორც ცნობილია, „ღამის შოუს ბენდი” ხელისუფლებასთან მჭიდროდ დაახლოებული გუნდია, რის გამოც მათ ხშირად ნახავთ „ქართული ოცნების” პარტიულ ღონისძიებებზე.
„ფლანგვის დეტექტორის” მიერ ბოლოს გამოქვეყნებული მონაცემებით, ბენდს 128 500 ლარი უტენდეროდ მისცეს.
ცნობისთვის, აღნიშნული ბენდი სახელისუფლებო არხებზე მომუშავე მომღერლებით არის დაკომპლექტებული.