ხულოში ხუთსულიანი ოჯახის სახლი დაიწვა
ხულოს სოფელ წაბლანაში 5-სულიანი ოჯახის საცხოვრებელი სახლი დაიწვა – ამის შესახებ ინფორმაციას გამოცემა „ბათუმელები” ავრცელებს.
დამწვარია ხის ორსართულიანი საცხოვრებელი სახლი.
„ხანძრის სავარაუდო მიზეზი სახლის ძველი ელექტროგაყვანილობაა“ – უყვება გამოცემას რაულ მახარაძე, მერის წარმომადგენელი სხალთის ადმინისტრაციულ ერთეულში.
არსებული ინფორმაციით, ადგილზე მეხანძრეები მუშაობენ, ხანძარი ლოკალიზებულია.
ხუთსულიანი ოჯახი, რომლის 2 წევრიც ბავშვია, დროებით საცხოვრებლად სოფლის ერთ-ერთ ცარიელ სახლში გადაიყვანეს.