ხმებსაც, სკამებსაც და წიწილებსაც შემოდგომაზე ითვლიან, მე მაქვს ამბიცია…
„თავისუფალი დემოკრატების“ ერთ-ერთი ლიდერი ალექსი პეტრიაშვილი დარწმუნებულია, რომ მომავალ პარლამენტში პარტია სერიოზული წარმომადგენლობით იქნება წარმოდგენილი და ამბობს, რომ ამის ამბიცია ნამდვილად აქვს.
-„ინფორმაციაც მაქვს და ამბიციაც, რომ საქართველოს მომავალ პარლამენტში „თავისუფალი დემოკრატები“ შევლენ ძალიან ძლიერად. ადგილების და როლების განსაზღვრაზე საუბარი უადგილოა, როგორ განვითარდება მოვლენები 8 ოქტომბრამდე დრო გვიჩვენებს. დღეს გვაქვს ახალი ლოგოს პრეზენტაცია და წარვადგენთ თბილისის კანდიდატებს.
ხმებსაც, სკამებსაც და წიწილებსაც შემოდგომაზე ითვლიან, მე დარწმუნებული ვარ, „თავისუფალი დემოკრატები“ ძალიან სერიოზულად იქნება წარმოდგენილი პარლამენტში“-აცხადებს პეტრიაშვილი.
