პარლამენტთან გამართული აქციის მონაწილე 2000 ლარით დააჯარიმეს, 6-ის სასამართლო პროცესი კი გადაიდო
2 მარტს პარლამენტთან გამართულ აქციაზე დაკავებული 7 პირის სასამართლო პროცესი, გუშინ ღამით გაიმართა.
მოსამართლე ვალერიან ფილიშვილმა იმედა კლდიაშვილი 2000 ლარით დააჯარიმა, ხოლო 6 პირის პროცესი 22 მარტამდე გადადო.
იმედა კლდიაშვილმა სასამართლო დარბაზში განაცხადა, რომ ჯარიმას არ გადაიხდის.
2 მარტს პარლამენტთან პოლიციამ რუსული კანონოპროექტის გაპროტესტებისთვის, ძალის გამოყენებით 36 პირი დააკავა, მათ შორის იყვნენ ჟურნალისტებიც.
დაკავებულთა ნაწილი ამ დრომდე წინასწარი მოთავსების იზოლატორში რჩება.
მომიტინგეებს წვრილმან ხულიგნობასა და პოლიციისთვის დაუმორჩილებლობას ედავებიან.
