„რუსთან რომ წამეგო, ალბათ, თავს მოვიკლავდი“ – მერაბ დვალიშვილი
UFC-ის ქართველმა მებრძოლმა, მერაბ დვალიშვილმა რუს პიოტრ იანთან გამარჯვების შემდეგ, პირველი კომენტარი გააკეთა:
„რუსთან რომ წამეგო, ალბათ, თავს მოვიკლავდი. ქართველები მხოლოდ ხუთი მილიონი ვართ, მაგრამ ძალიან ძლიერები.
ვიცი, რაც ხდებოდა წლების წინ ჩემს სამშობლოში, ვიცი, რა განიცადა ჩემმა ხალხმა და ვიცი, რომ რუსის დამარცხება მათთვის მნიშვნელოვანი იყო.
თუ რუსეთს ომში ჯერ ვერ ვამარცხებთ, ამის გაკეთება სპორტში შეგვიძლია. უკრაინიდანაც ბევრი მგულშემატკივრობდა.
იმედი მაქვს, ომი მალე დასრულდება და ყველა მშვიდად ვიცხოვრებთ. მახსოვს 17 წლის ვიყავი, როცა რუსეთი თავს დაგვესხა, ეს საშინელება იყო.
დიდება უკრაინას, დიდება საქართველოს, დიდება თავისუფლებას! შეწყვიტეთ ომი” – განაცხადა მერაბ დვალიშვილმა.
