ხევის საბავშვო ბაღის მშენებლობა თვენახევრიანი პაუზის შემდეგ განახლდა

50 ბავშვზე გათვლილი ხევის ბაღის მშენებლობა 2024 წლის ოქტომბერში უნდა დასრულდეს. ამ ბაღის მშენებლობისთვის 1 200 000 ლარია განსაზღვრული.
რიკოთის ავტობანის მშენებლობის არეალში მოხვედრილი ხევის საბავშვო ბაღის ფუნქციონირება, მესამე წელია, შეფერხებულია.
2023-2024 სასწავლო წელს ამ ბაღს 12 აღსაზრდელი სკოლამდელ განათლებას ხევის სკოლაში განთავსებულ სასკოლო მზაობის ჯგუფში იღებდა. ოცამდე აღსაზრდელი კი სკოლამდელი განათლების მიღმა იყო დარჩენილი.