„საგურამოში შეკრებილ „ბერბიჭაშვილებს“ თამარ ჟვანიას იმედი აქვთ“
დღეს, ლეიბორისტუილი პარტიის ორგანიზებით, ცენტრალურ საარჩევნო კომისიასთან გაიმართა გამაფრთხილებელი აქცია.
პარტიის პოლიტიკური მდივნის გიორგი გუგავას განცხადებით, ივანიშვილის მიერ მოქრთამულმა ცსკო-ს თავმჯდომარემ თამარ ჟვანიამ ბიუჯეტიდან პრემიებისა და დანამატების სახით ნახევარი მილიონი მიითვისა. ასევე, ხალხის ფულით დაისვენა იამაიკასა და სეიშელის ფეშენებელურ კურორტებზე, სანაცვლოდ, კი ოქტომბერში აპირებს არჩევნების შედეგების გაყალბებას.
“დღეს საგურამოში, ილიას ნაფუძარზე შეკრებილ კოლექტიურ ბერბიჭაშვილებს თამარ ჟვანიას იმედი აქვთ, რომელმაც გაყალბების გზით მათ ხელისუფლება უნდა შეუნარჩუნოს.
ვაფრთხილებთ კორუმპირებულ კომისიის თავმჯდომარეს – ცსკო-ს შენობიდან კარგად ჩანს გლდანის ციხის ქონგურები და თუ თამარ ჟვანია შეეცდება თავის დამქაშებთან ერთად არჩევნების შედეგების გაყალბებას, შემოდგომაზე კეთილმოწყობილი კაბინეტიდან თავის დამკვეთ ივანიშვილთან ერთად მოუწევს ციხის საკანში გადანაცვლება”.
