„პატარების ხელებით შექმნილი სხვა სამყარო” გელით 19 ივნისს
19 ივნისს, 17:00 სთ–ზე, საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართება მაია კაკაბაძის სამხატვრო სტუდია „არტ თაობის“ მოსწავლეთა ყოველწლიური გამოფენა.
ექსპოზიციაზე წარმოდგენილი იქნება 6-დან 25 წლამდე ასაკის მოსწავლეთა 100-ზე მეტი ნამუშევარი. გამოიფინება ფერწერასა და გრაფიკაში შესრულებული ნახატები.
„პატარების ხელებით შექმნილი“
სტუდია არსებობის 5 წელს ითვლის. ამ წლების განმავლობაში მოსწავლეები სისტემატურად მონაწილეობენ სხვადასხვა გამოფენებსა და კონკურსებში როგორც საქართველოში, ისე მის საზღვრებს გარეთ. სტუდის მოსწავლეებს აღებული აქვთ მრავალი საპრიზო ადგილი და ჯილდოები.
მისამართი: ელიას მთა, წმ. სამების საკათედრო ტაძარი, პირველი სართული.
დასწრება თავისუფალია