გიორგი კვირიკაშვილი გერმანელ ხალხსა და მთავრობას უსამძიმრებს

საქართველოს პრემიერ–მინისტრი გიორგი კვირიკაშვილი მიუნხენში მომხდარი ტერაქტის გამო მწუხარებას გამოთქვამს და დაღუპულთა ოჯახებს, გერმანელ ხალხსა და მთავრობას უსამძიმრებს.
„მწუხარებას გამოვთქვამ მიუნხენში მომხდარი ტერაქტის გამო. ტერორისტთა ტყვიებს კვლავ უდანაშაულო ადამიანები შეეწირნენ.
მთელი გულით ვუსამძიმრებ დაღუპულთა ოჯახებსა და ახლობლებს, გერმანელ ხალხსა და გერმანიის მთავრობას მომხდარი ტრაგედიის გამო. გამძლეობასა და სიმტკიცეს ვუსურვებ მათ ამ მძიმე წუთებში.
მიუნხენის ტრაგედია მორიგი სიგნალია, რომ ყველას ერთად მეტი აქტიურობა და მოქმედება გვმართებს ამ სისასტიკის შესაჩერებლად.” – ნათქვამია პრემიერის განცხადებაში.

კომენტარის დატოვება