ნარკოტიკები – ქვემო ფონიჭალაში სპეცოპერაცია განხორციელდა
შსს ქვემო ფონიჭალაში სპეცოპერაციის დროს დაკავებულების შესახებ განცხადებას ავრცელებს:
„ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1989 წელს დაბადებული ნ.ჯ. და 1976 წელს დაბადებული მ.ჯ., ნარკოტიკული საშუალების უკანონო შეძენა-შენახვისა და გასაღების ბრალდებით, ფონიჭალაში დააკავეს. გამოძიების ინფორმაციით, ბრალდებულები ნარკოტიკულ საშუალებას სისტემატურად ყიდდნენ. პოლიციამ, დაკავებულების საცხოვრებელი სახლების ჩხრეკისას, 33 შეკვრად დაფასოებული ჰეროინი ნივთმტკიცებად ამოიღო. გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს“, – ნათქვამია განცხადებაში.
სულ რამდენიმე დღის წინ სამართალდამცველთა ლიგის წევრი ზაზა ჭაია წერდა, რომ „ფ ო ნ ი ჭ ა ლ ა ნარკოკარტელად არის ქცეული, ნ ა რ კ ო ტ ი კ ე ბ ი ს ბრუნვა იქ პიკს აღწევს და ცალკეული ოპერაციები ნარკოტიკებით ვ ა ჭ რ ო ბ ა ს ოდნავაც ვერ ა ფ ე რ ხ ე ბ ს“.
იხ. ლინკი