ფერეიდანელი ქართველები მშობლიურ ენას იბრუნებენ (ვიდეო)
„საქართველოს დემოგრაფიული საზოგადოება XXI“-ის დირექტორი ზვიად ტომარაძე აცხადებს, რომ ფერეიდანში სტუმრობისას იქაურ ქართველებს პირობა მისცა და ამ პირობის ასრულებას ხვალიდან იწყებს. თუ რა პირობაზეა საუბარი, ამის შესახებ თავად ზვიად ტომარაძე აცხადებს:
„ჩემი ფერეიდანში სტუმრობის შემდეგ, ფერეიდნელებს დავპირდი, რომ ქართული ენის შესწავლაში დავეხმარებოდი. 4 თვის წინ დავწერე პროექტი, რომელიც დააფინანსა „ბავშთა და ახალგაზრდობის განვითარების ფონდმა”. დღეს ფერეიდანიდან ჩამოვიდა 12 ფერეიდნელი. პროექტის მიხედვით მათ 2 თვის მანძილზე, ქართულ ენასა და ხალხურ სიმღერებს შევასწავლით. მოკლედ, ხვალიდან ძალიან მაგარ ქართულ საქმეს ვიწყებთ!!!”
ფერეიდნელ ქართველებს პირველი გაკვეთილი უკვე ჩაუტარდათ. ქართულის პედაგოგი ნათია რუხაძეა, სიმღერას კი ნინოკო ჩხეიძე ასწავლის.
