“შენ მუჭა-მუჭა გაგიტანეს საქართველოდან და მიწავ ჩემო, ამიტომაც დაპატარავდი…”

მას პატარა გენიოსი შეარქვეს. წერდა, ხატავდა, მღეროდა. 17 წლის მხატვრის ფენომენალური შემოქმედებითი ნიჭის გამო 1988 წელს ამერიკის შეერთებული შტატების სმიტსონის საერთაშორისო ასტრონომიულმა ცენტრმა დაამტკიცა წარდგინება და 3146 ნომრით ცნობილ პლანეტას უწოდა “დათო”. ეს პატარა გენიოსი, ქვეყნიდან ნაადრევად წასული დათო კრაწაშვილია.

ის სრულიად ახალგაზრდა გარდაიცვალა, წავიდა, მაგრამ დატოვა უკვდავება ქართულ ხელოვნებაში! სამწუხაროდ მისი სახელი თითქოს გაფერმკრთალდა, მაგრამ იმედია ისევ გაიხსენებს საზოგადოება და შესაერის პატივსაც მიაგებს.

დათო სულ ახალგაზრდა იყო, მაგრამ სამშობლოზე ფიქრი ერთი წუთითაც არ ტოვებდა, საქართველოს გულშემატკივარმა ერთ პატარა ლექსში გამოხატა ტკივილი და 80-იან წლებში თითქოს იწინასწარმეტყველა კიდეც, რომ ქართული მიწა დაიხლიჩებოდა.

“ვინც სამშობლოში დაბრუნებას აღარ ელოდა,
მიწა გაჰქონდა, მიწა თბილი, მიწა მარადი…
შენ მუჭა-მუჭა გაგიტანეს საქართველოდან
და მიწავ ჩემო, ამიტომაც დაპატარავდი…”

სამწუხაროდ ძალიან ახალგაზრდა, 17 წლისა წავიდა ამ ქვეყნიდან. ის თავის წასვლასაც გრძნობდა და ისევ სულ პატარა ლექსით იწინასწარმეტყველა:

“გასვენების დღეს იქნება წვიმა,
წვიმის წვეთებიც დამიტირებენ,
დამასვენებენ თბილისის მიღმა და,
ალბათ, სამუდამოდ, დამივიწყებენ”…

…ტალანტი არ კვდება, დათომ ჩვენს აღტაცებაში მოსაყვანად თავისი გენის ნაწილი დაგვიტოვა.