“ჭიჭინაძეს არ ვიცნობ, არც შევხვედრილვარ”
ჟურნალისტების კითხვაზე, როგორ შეაფასებდა იუსტიციის მინისტრი დავით ჭიჭინაძის პარტიიდან გარიცხვას, თეა წულუკიანმა განაცხადა, რომ ის ყოფილ თანაგუნდელს არ იცნობს და არც არასდროს შეხვედრია.
“პარტიამ მიიღო ეს გადაწყვეტილება, რაც მიიღო. მე ამაში ჩართული არ ვყოფილვარ და მედიიდან შევიტყვე. ახლა, როდესაც ეს პროცესი დასრულდა შემიძლია, საზოგადოებასაც ვუთხრა, რომ არასოდეს არ მქონია შესაძლებლობა, დავით ჭიჭინაძესთან რაიმე საკითხზე მემუშავა. მას არ ვიცნობ, არც შევხვედრილვარ. შესაბამისად, მისი ჩემდამი ასეთი მწვავე კრიტიკა და აგდებული დამოკიდებულება ყოველთვის გასაკვირი იყო”, – განაცხადა თეა წულუკიანმა.
