“თვითმკვლელობის ვერსიას გამოვრიცხავთ”-აცხადებენ გარდაცვლილის ახლობლები

დავით ცხვარაძე

ქუთაისში, მდინარე წყალწითელაში გუშინ 12 წლის ბიჭის ცხედარი იპოვეს. უბედური შემთხვევის ადგილას სამაშველო და საპატრულო სამსახურები იყვნენ მობილიზებულები. მომხდარიდან რამდენიმე წუთში ცხედრის გადასვენება სამხარაულის სახელობის სახელმწიფო ექსპერტიზის ბიუროში მოხდა.

შსს-ს საზოგადოებასთან ურთიერთობის სამსახურში აცხადებენ რომ , მომხდარზე გამოძიება თვითმკვლელობამდე მიყვანის მუხლით მიმდინარეობს. ამ დროისთვის სხვა დამატებითი დეტალები უცნობია.

დაუზუსტებელი ვერსიით ახალგაზრდა ბიჭი მდინარეში თევზაობდა, რაც შესაძლებელია დაღუპვის მიზეზი გამხდარიყო, „წყალწითელაზე, დამხრჩვალი ბიჭი სავარაუდოთ თევზაობისას დროს გარდაიცვალა“- აცხადებს შემთხვევის ადგილზე მყოფი.

-„ სავარაუდოდ, აქ  სათევზაოდ ჩამოვიდა, რომ ვთქვათ რომ, დასალევად-თქო, არ იყო მაგ ასაკის, მხოლოდ 12 წლის იყო.  თუმცა არ შეგვიხედია, რომ თევზაობდა. საუკეთესო ოჯახის შვილი, არ უნდა დამართნოდა მის დედას ასე, ეჭვი გვაქვს, რომ თევზაობისას მას ქვაზე ფეხი დაუსრიალდა და დაეცა, რაც შესაძლოა გარდაცვალების მიზეზი გამხდარიყო, თვითმკვლელობის ვერსიას გამოვრიცხავთ, რა ჰქონდა მას ამის ფასი, უყვარდა თევზაობა და ალბათ შეიწირა მისმა საყვარელმა საქმემ“ –  განაცხდა ადგილობრივმა.