ქვარაიას “გაბედეს” წარმომადგენლებმა “მთავარის” პრესკლუბში პრესკონფერენცია არ ჩაატარებინეს

აქტივისტებმა ქართული ოცნების დეპუტატს, მერაბ ქვარაიას, პრესკონფერენციის გამართვის საშუალება არ მისცეს. ქვარაია, რომელმაც სრულად პროპორციულ საარჩევნო სისტემაზე გადასვლას მხარი არ დაუჭირა, მოძრაობა “გაბედეს” წარმომადგენლებმა “მთავარის” პრესკლუბში პრესკონფერენცია არ ჩაატარებინეს.

“ბიძინას მონა”,-ამ შეძახილებით დახვდნენ მერაბ ქვარაიას აქტივისტები.

ქვარაიამ ტერიტორია მალევე დატოვა. აქტივისტების თქმით, ისინი მივლენ ყველგან, სადაც იქნებიან მაჟორიტარები და არ მისცემენ საშუალებას, რომ ხალხი მოატყუონ.