ალექსანდრე კობაიძე გენერალური პროკურორის თანამდებობაზე კანდიდატად წარსდგა
მარიამ ახალკაცი
გავრცელებული ინფორმაციით გენერალური პროკურორის ვაკანტურ თანამდებობაზე კანდიდატად წარსდგა ადვოკატი ალექსანდრე კობაიძე.
ინფორმაციის გდასამოწმებლად ჩვენ თავად ადვოკატს დავუკავშირდით.
-დიახ, გახლავართ გენერალური პროკურორის კანდიდატი.
-ვინ არის თქვენი წარმდგენი?
-„ხალხის პარტია“
– რატომ გადადგით ასეთი ნაბიჯი და ორი სოტყვით რომ გვითხრათ, რას გააკეთებთ არჩევის შემთხვევაში?
-ძირეული ცვლილებებია განსახორციელებელი პროკურატურაში და ჩემი არჩევის შემთხვევაში განვახორციელებთ საკადრო ცვლილებებს და ავამაღლებ პროფესიონალიზმს. პროკურატურას ჩავაყენებ ხალხის სამსახურში.
ცნობისთვის, დღეისათვის საქართველოს გენერალური პროკურორის ვაკანტურ თანამდებობაზე საპროკურორო საბჭოსთვის 7 კანდიდატია წარდგენილი.
წარდგენილი კანდიდატების ვინაობა საჯაროა და მონაცემები საპროკურორო საბჭოს ვებგვერდზე http://pc.gov.ge აიტვირთება.
კონსულტაციები და კანდიდატების წარდგენა გრძელდება 2020 წლის 17 იანვრის ჩათვლით.