გაეროს გენერალური ასამბლეის გადაწყვეტილებით, 24 იანვარი განათლების საერთაშორისო დღედ გამოცხადდა

გაეროს გენერალური ასამბლეის გადაწყვეტილებით, 24 იანვარი განათლების საერთაშორისო დღედ გამოცხადდა, როგორც გლობალური მშვიდობისა და მდგრადი განვითარების მთავარი საფუძველი.

✅ განათლების ხარისხის ამაღლება არის საქართველოს მთავრობის ერთ-ერთი მთავარი პრიორიტეტი. განათლება ასევე პრიორიტეტს წარმოადგენს 2020 წლის ბიუჯეტშიც. განათლებისკენ მიმართული ბიუჯეტი 2020 წელს 2012 წელთან შედარებით 116%-ითაა გაზრდილი.

📖 მიმდინარეობს განათლების სისტემის სრულ ტრანსფორმაციაზე მუშაობა ყველა მიმართულებით: სკოლამდელი განათლება, ზოგადი განათლება, პროფესიული განათლება, უმაღლესი განათლება და მეცნიერება.

🏫 სკოლების მშენებლობა რეაბილიტაცია:

► 2013 წლიდან დღემდე აშენდა 48 სკოლა;

► 1800-მდე საჯარო სკოლაში სხვადასხვა ტიპის ნაწილობრივი რეაბილიტაციის ინფრასტრუქტურული პროექტი განხორციელდა.

📚 უფასო სახელმძღვანელოები:

2013 წლიდან ყველა საჯარო სკოლის მოსწავლეს სახელმძღვანელოები სახელმწიფოსგან უსასყიდლოდ გადაეცემა.

🚌 მოსწავლეთა ტრანსპორტირება:

► 2013 წლიდან მოქმედებს მოსწავლეთა ტრანსპორტირების პროგრამა, სასკოლო ტრანსპორტით სარგებლობს 1200-ზე მეტი სკოლის 70 000-მდე მოსწავლე.

👩‍🏫 მასწავლებელთა ხელფასების ზრდა:

გაიზარდა მასწავლებელთა ხელფასები და ზრდა მუდმივად გრძელდება. 2013-2020 წლებში მასწავლებლების საშუალო ანაზღაურება 3-ჯერ გაიზარდა.

👩‍🎓 უმაღლესი განათლება:

► უმაღლესი განათლების დაფინანსება გაორმაგდა .

► შეიქმნა განათლების საერთაშორისო ცენტრი, რომელმაც მსოფლიოს სხვადასხვა ქვეყნის წამყვან უმაღლეს სასწავლებლებში სწავლა 850-მდე ქართველ სტუდენტს დაუფინანსა.

► სწავლა უფინანსდებათ საოკუპაციო ხაზთან მცხოვრებ სტუდენტებს, ასევე სტუდენტებს სოციალური პროგრამის ფარგლებში.

✅ პროფესიული განათლება:

► 2013 წლიდან პროფესიული განათლების მიღება უფასო გახდა სახელმწიფოს მიერ ან სახელმწიფოს მონაწილეობით დაფუძნებულ საგანმანათლებლო დაწესებულებებში;

► შემუშავდა პროფესიული განათლების დაფინანსების ახალი სისტემა;

► პროფესიულ კურსდამთავრებულთა დასაქმების მაჩვენებელი, გაიზარდა 33%-დან (2012 წელს) 62%-მდე (2019 წელს);

► 2019 წელს, პროფესიული განათლების დაფინანსება 5-ჯერ გაიზარდა 2013 წელთან შედარებით;

► დაიწყო მოდულური, შრომის ბაზრის მოთხოვნებზე და კომპეტენციებზე დაფუძნებული საგანმანათლებლო პროგრამების დანერგვა. გაძლიერდა საჯარო -კერძო პარტნიორობის ფორმატი პროფესიული განათლების სფეროში;

► ჩატარდა კოლეჯების რეაბილიტაცია და განახლდა მატერიალურ-ტექნიკური ბაზა;

► 2019 წელს პროფესიულ საგანმანათლებლო პროგრამებზე უკვე 8 ათასამდე სტუდენტი ჩაირიცხა;

► 2013-2019 წლებში, 1300-მდე შეზღუდული შესაძლებლობის და სპეციალური საჭიროების მქონე ბენეფიციარი ჩაერთო პროფესიულ განათლებაში და დაეუფლა პროფესიას სრული სახელმწიფო დაფინანსებით;

► პროფესიული განათლება ხელმისაწვდომი გახდა მსჯავრდებულთა და ყოფილ პატიმართათვის.სახელმწიფოს დაფინანსებით 1000-ზე მეტი მსჯავრდებული და ყოფილი პატიმარი ჩართულია პროფესიული მომზადების პროგრამებში;

► დაიწყო ზრდასრულთა პროფესიული განათლების სისტემის განვითარება. მომზადება-გადამზადების პროგრამებში ჩაერთო 800-მდე პირი, რომელთა 60% სწავლის დასრულებისთანავე დასაქმდა;

👨‍🔬 მეცნიერთა ხელშეწყობა:

► 2013-2020 წლებში 46%-ით არის გაზრდილი მეცნიერების დაფინანსება, სამეცნიერო პროგრამებზე და სხვა მასთან დაკავშირებულ აქტივობებზე გამოყოფილი საბიუჯეტო დაფინანსება კი 38.6 მილიარდითაა გაზრდილი (2.5-ჯერ მეტი).

► შესაძლებელი გახდა სამეცნიერო-კვლევითი დაწესებულებების დაფინანსების 2-ჯერ, ხოლო მასში დასაქმებულ მეცნიერთა ხელფასების საშუალოდ 3-ჯერ გაზრდა.